كرهـــتــــك حبيــبي

**هجولة أم خليف** السبت مارس 22, 2008 4:01 pm

تعرف ليه كرهتك ؟؟
تعرف ليه نسيتك ؟؟؟

لانك بكل بساطه ...
اناني في حبك اناني في نفسك
وعلى فكره ... حتى بقلبك اناني ,,,.!!

كأنك الاول... كأنه مابعدك ولاقبلك رجال ثاني..؟؟
ولابعد ...كأن مافي حب غير حبك ؟؟

تظن اني صرت مجنونه فيك ؟؟؟
مسكين ياحبيبي ...
تظن نفسك صاحب الالف سيره من سير الابطال ...!!

كرهتك ونسيتك والسبب الاول والاخير انت ..؟
كنت اناني ..
لانك سجنت قلبك عن حبي ..
ريحت عقلك من التفكير ..
وعينك من السهر والتدميع ...

كرهتك ...
لانك انتهازي
تنتظر زله لساني
تنتظر تاخر حضوري حتى يكون لك حجه بالزعل والهجر والصد عني ...!!

وفي النهايه تظن انك بطل ..!!
بطل لانك كسرت قلبي الطيب المسكين ؟؟

بطل حكايتنا اللي من البدايه كان الاولى اني اعرف النهايه..!!
حكايه غرام بدايتها كذب وخداع وانانيه..

انا فيها االاميره الحزينه
وقلبي كان الاسير بين اسوار الحكايه
وانت هايم بكونك بطل في هالحكايه

بغرورك وكبريائك :
كسرت قلب الحزينه
حطمت امال الاميره
ضيعت احلام الصغيره

انا مت من عذاب القلب
ومن كثر السهر والعين تدمع تعبت..!!

قلبي مسكين دايم يسال عليك
وعيني ... اهـ ياعيني تتنظر ظلك عن قريب...

وانا بدوري اقول ::

مسكين ....اغتر بكونه بطل
مسكين هو الخسران مايلاقي مثل قلبي كبير
مايلاقي مثل قلبي :
طيب و وافي و امين
ومايعرف للخيانه طريق...

تتذكر ليله من الليالي كتبت لك رساله محتواها :

ماكان ليدي ان تتحرك الالانها صافحت يداك
وماكان لعيني ان تبصر الحياه الا لانها رات ماتتمناه
وماكان لساني لينطق الا حين احتاج لقول اني احبك
يالهي العظيم تقدست اسماؤك الحسنى
مااوسع رحمتك لان حبيبي اهداني لحظه من صمتهـ

تتذكر هالرساله ؟؟؟

الحين اعكس الايه واقولك :

خلاص روح الله معك
غب عافك الخاطر
عافتك نفسي اللي تبيك ...

000000

>>ستثبت لك الايام يامن اهملتني باني كنز بين يديك اضعته<<<

ملطوووش